dhoondta hoon uske chehre pe kuchh magar, 
sab bhav ukhade milte hain.... 
jo dena chahun kisi aur ko ye dil, aey sitamgar, 
Dil ki jagah sirf tukde milte hain...


© 2011 SOMYA HARSH,. all rights reserved

chand me bhi daag hai, 
iss baat se chandni khafa ho gayi, 
usse manane me beeti sari raat, 
jab talak mani toh subah ho gayi. 


© 2011 SOMYA HARSH,. all rights reserved

:))

Agar khelna ho unke sang gulal, to dil na bujha "harsh"; 
Na rakho dil me koi malal, bana lo isse aar par ka sawaal! :))

Mann me kuchh..

Mann me kuchh, 
chal raha hai, 
Jaise pani ki sthir, 
sateh k neeche, 
kuchh ubal raha hai, 
Kya pata aage, 
kya hone ko hai, 
Kya paane ko hai, 
aur kya khone ko hai


© 2011 SOMYA HARSH,. all rights reserved

palash

image from serveroasis.com

ruk si jaati hai hai zindagi,
magar rukti nahin;
chhalakti jati hai neer ki tarah,
par thamti nahi;
wo aaj kuchh paane ki talaash bheenche
kho si gayi hai
jaise angane ke palaash ke neeche
wo so si gayi hai



© 2011 SOMYA HARSH,. all rights reserved

Aaj dil kuchh..

aaj dil kuchh bhara bhara sa hai, 
fir bhi armaan khali khali se hain, 
shayari mann me ghuli ghuli si hai, 
par jazbaat khule khule se hain..


© 2011 SOMYA HARSH,. all rights reserved

Kismat rashan me mil jati to kharid dete "harsh",
Suna hai chahat sachchii ho to aajkal kismat bhi 'black' hoti hai. :))


© 2011 SOMYA HARSH,. all rights reserved

Ab har taraf gade murde ukhad rahe hain, 
aey "harsh" kahin tera shehar koi daba hua kabristan to nahi.. 
#corruption #accusations #counter-accusations


© 2011 SOMYA HARSH,. all rights reserved

ae hawaon me udne firne wale,
mat soch ki iss qafas-e- qaid me ghutan ho...
ae khwabon me sone pirne wale,
ye soch pital ki taqat-e-syed me tapan ho...
Waqt badalega, halaat bhi badlenge,
Aur tere pair par fir se par honge,
Ae nawabon se dikhne wale,
ab soch koi visal-e-yaar aye jisse teri zindagi sunehra chaman ho...


© 2011 SOMYA HARSH,. all rights reserved

‎"aaj yudh ek vyapar hai, chahun oor durachar hai, aaj gabbar singh bekar hai, kyuki asli dakait to sarkar hai"


© 2011 SOMYA HARSH,. all rights reserved

Yun saza damakte chand ka rang,
Mann ko bhaya suhane faza ka rang;
Tanha raat me mehki hui hawa ka rang,
Aur tere labo se nikalti surkh awaz ka rang.


© 2010 SOMYA HARSH,. all rights reserved

Moula mere sunle armaan,
Kar duu main apni, sari khusiyan qurbaan.
Par duur na karna dost ko mere,
Na dena aisi tu saza,
jee na sakenge hum uske bin,
hai bas itni si iltaza.


© 2009 SOMYA HARSH,. all rights reserved

zindagi ki justaju me, zindagi kho gayi hai kahin;
kehne ko hai zindagi, jeene ko zindagi nahin.


© 2008 SOMYA HARSH,. all rights reserved

Sukh dukh me sath nibhati, pal pal me rah dikhati;
Her pal mere mann ko de jati ik meethi si anubhuti,
Ye teri meri dosti.


© 2008 SOMYA HARSH,. all rights reserved

Jaruri nahi her dafa khala ka hona,
Kabhie kabhi yunhi ruswa hone ka dil karta hai.
Jaruri nahi her dafa shama ka hona,
Kbhikabhi yunhi (parwane ko) jal jane ka dil karta hai.


© 2008 SOMYA HARSH,. all rights reserved